預先買了今日的火車票去溫莎。由於不打算去Lego Land，行程極悠閒，只計劃入場一覤古堡真貌，是故很晚才出發，到達時差不多11時。
 |
| 到達入口處見到少量人群，先知原來岩岩有個換班儀式完左，睇到個結尾 |
門票一點也不便宜，盛惠20.5鎊，以英國日前的經濟狀況來看，說皇室依仗這門票得益過活亦不為過。
古堡售票處有一幅巨大的英女皇和菲臘親王的合影，媽媽於排隊期間不忘與英女王拍照。
 |
| 遊人唔算好多，喺藍天既映襯下，古堡格外好看 |
 |
| 唔知點解諗起Game of thrones，幻想下自己要匿喺度射箭守城就覺得好驚 |
 |
| 枝頭上的花好似燈泡，定係燈泡好似枝頭上的花？！ |
 |
| 有Ｄ咁現代既車泊喺度真係好有違和感，馬車呢？ |
 |
| 大教堂，入去行左一個圈，好莊嚴，入面唔知點解會有Magna Carta既紀念品賣，最後買左舊Magna Carta既蠟燭，哈哈哈 |
收費包括了語音導賞器材，為本來索然無味的古堡之旅添上了幾分趣味，至少對每個建築都得以略知一二。
 |
| 轉角遇到堡 |
 |
| 幾有原始風味 |
溫莎古堡還有一條長長的大道，兩旁盡是草地，光是看相就令人神往。一問之下才知道原來在收費範圍以外，遂先到日本便當店吃了些麵食，再到Long Walk。
 |
| 如果可以喺度跑步真係不得了，延年益壽，人生嬴家 |
散步期間手套被一隻狗搶去，咬到滿是口水，主人不斷忙著追狗和道歉。
 |
| 正面影返張 |
 |
| 綠中一點白，呢個配色唔錯 |
 |
| 喺眾多大自然景觀之中，最鍾意係森林同草地 |
由於時間尚早，去了鄰鎮伊頓逛逛。伊頓是一個寧靜小鎮，度過小橋就到達，以貴族學校伊頓公學聞名。 當日亦看見不少伊頓公學的學生身穿校服（筆挺的燕尾服）在鎮上疾走。想到昔日中學的校服設計，不禁汗顏，相形見絀得未免可憐。無論是小鎮風光、學校氛圍抑或校服設計，都令人聯想到，不同的青少年在如此不同的世界成長，長大後又何以體會地球另一端的人的所思所想？世界大同，談何容易？
 |
| 近岸有天鵝 |
如果親近動物和小孩是一種本領，我一定是天生拙劣的那一種人。媽媽在天鵝堆中拍照毫無違和感，而我則自覺無論站或蹲下都毫不自在，如同過路人一樣，與鵝完全不相干。
 |
| 乖啦一齊影張相啦 |
 |
| 伊頓小鎮，人煙少，甚有里昂小街感覺 |
 |
| 站在泰晤士河之上 |
在人跡疏落加上斜陽映照之下，與溫莎相比，我更愛伊頓。
悠悠然乘搭火車回到倫敦。
晚上吃的是.........
忘了
是日完。
好好準備明天的畢業禮吧。
溫莎古堡好靚呀！
回覆刪除比狗搶走手套真係好好笑，睇幾多次都笑得出。
世界大同個部分我好認同呀，尤其是去到非洲，印度見到啲人咁愚昧，
更加覺得民族真係有優劣之分，世界大同太唔現實喇。
拎燕尾服同東華校服比較真係情何以堪。