歐遊學記。

今日有一個幾特別既開始！ 話說我帶住輕鬆既步伐行到去地鐵站，先發現自己冇散紙，而部機係唔收紙幣既。呢個時候有個男人走過黎另一部機，我就問佢有冇廿蚊散紙啦，佢話冇，然後問我差幾多先夠。一張飛就1.6，我就數左陣，然後話佢知我得一歐羅，咁佢就好冷靜但都好好人咁比左六毫我。（緊張得滯，唔記得自己有冇講非常感謝，應該有卦！！）好啦，咁我就懷住好緊張既心情入Ｄ散紙入去啦，點知。。原來我本身係得0.95歐羅！個顯示屏顯示我係差0.05歐羅既時候，真係想大叫。我好絕望咁禁一個紅色既取消掣拎返果1.55歐羅既時候，神奇既事發生喇～！！佢竟然跌左張飛比我！！！！！！！正當我諗住原來法國售票機咁有人情味既時候，佢竟然連果1.55歐羅都跌埋出黎！！結果，我搭車唔使錢不特止仲賺左0.6－＿－ 好輕鬆咁上車轉車同落車，然後返學校個international office會合Jenny拎學生證，點知佢一路都冇黎，下午先知佢病左。唔緊要，反正我本身都打算今日黎拎。排隊既時候，前面係台灣人，對台灣人充滿好感既我猶豫左一陣決定打個招呼。結果呢幾個台灣同學都好好人，佢地係台北淡張大學既學生，讀國際貿易的，最尾仲交換左電話（雖然經驗話我知交換完係唔會打既），但總算係開心愉快既經歷。 唔開心愉快既係，International office真係唔係做野既-_-..明明上星期五去問佢學生證幾時拎到，佢話下星期帶相同證件黎就可以拎。今日排左個半鐘隊之後，佢話太多人排隊，未得閒整（而家先整學生證-_-"???!），叫我聽日再黎過。與此同時，佢不斷用呢個方法去處理其他學校既問題。。。咁其實咪一樣？－＿－。。即係我聽日黎到又係同呢班同學一齊等多一次～？點解唔直接處理左個問題？推遲左件事，件事都係要發生架喎？呢件事令我明白到，法國經濟差未必無因。 雖然乜都沒搞成，但可以去平價超市買野都係開心事。買左Ｄ煙肉、菜、蛋同包諗住做幾餐Lunch，都係3.88歐。可惜開極都開唔到個爐頭，唯有用焗爐焗煙肉，煎唔到蛋，嗚。行返去既時候諗起仲未買Postcard，但鋪頭冇開。法國人真係好寫意。 六點鐘去左跑步，哇，成條街都幾多人，唔知跑邊好。河邊又係好多人，估唔到屋企樓下仲好跑。睇黎要再計劃下跑步路線。 夜晚Mickeal出街，買左個Pizza比我做dinner~_~..好唔健康呀下，好彩佢話聽晚佢

星期一。開學日。十點鐘要返學校聽講座，對於唔再需要六點八起身返工既我黎講，八點鐘起身都有點辛苦。人果然係懶惰既。同莎華仔MSN左陣之後就出發去學校。行去學校要四十五分鐘，一朝早無謂搞到自己咁辛苦，都係輕輕鬆鬆去搭地鐵。喺屋企行去最近既地鐵站Ampere Victor Hugo，兩分鐘就到了，但搭完一個站要喺Belle Cour轉一轉車再搭多四個站去Sans souci。所以其實亦都可以行六分鐘左右直接喺Belle Cour上車。但因為個System係用1.6歐買完一張飛之後一個鐘任搭，咁就梗係搭到盡啦，哈哈哈。 由於喺地圖上面睇見個校園好似喺Garibaldi同Sans souci中間咁，又想快Ｄ到學校，於是早一個站落，諗住行過去快Ｄ，點知落完車之後行反左，行左返屋企既方向。。。去到前一個站Saxe Gambetta 先醒覺，唯有喺呢度上車搭返去Sans souci -_-.. 一落車上到地面見到有個華人望住我，然後佢就問我係咪去我間大學。於是就認識左第一個讀同一個Program既同學叫Jenny，係加拿大出世既北京人，整天都係同佢一齊走走咁。去到Lecture room之後，過左一陣就開始了，大致上都係介紹下校園、有咩要申請同埋迎新周既活動。迎新既兩星期主要都係上啲法文堂同埋法國文化堂咁。之後打算去International Office問下野，又係勁多人，真係好慢，嗚。 下午要聽關於選科既事項，一如所料，時間表係混亂既，時間表上面既資料、格式都非常唔清晰，好多不明白既簡寫。喺廿一世紀，竟然仲要每個學生去Office度報名，然後按照約定時間去Confirm你想讀咩科。D人仲話，有啲科未知開唔開到，可能開唔到。。。究竟你地準備左D咩？ 完左之後同另一個叫Kitty既加拿大香港人去一個平價超市，真係好平，遲Ｄ要多Ｄ去掃貨。 夜晚Mickeal煮左蕃茄雞肉飯。個蕃茄醬幾好食，之後先見到原來係罐頭黎，但個味都幾唔似香港既茄汁，唔錯的，係Ｄ飯好似未熟咁－＿－。一連三晚佢女朋友都上左黎一齊食飯，唔知係咪平時佢爸媽喺度佢冇得上黎？

今日9點就起床了，訓既時候好似聽到Mickeal 已經返左黎咁既聲，但又原來未返，可能係樓上既人行~_~..起身之後又係食琴日既早餐，稍稍執左陣野就出街行下。 前日Mickeal話左比我知附近有咩好去，而我琴日只係去左其中兩個：Bellecour 同 Vieux Lyon，打算今日去埋Cordeliers 同 L'hotel ville。 不過今日係星期日，所以其實好多商店都冇開。本身Cordeliers係里昂既商業區，但星期日都好冷清。L'hotel ville就係睇musical既地方，但搵唔到L'hotel de ville喺邊，下次再搵下先... L'hotel ville station既Museum，星期日唔開~ 新舊交匯~!!!右邊係百貨店，喺入面買左好難食既沙律同吞拿魚三文治做午餐～ Belle Cour 有個里昂遊客中心，遊客中心既名就係叫Only Lyon！ 七點鐘，Mickeal忽然出現了。佢前日仲好地地，今日忽然野都講唔到～！！佢今晚煮左忌廉長通粉，都幾好食喎！但又係冇菜~_~..食之前幾分鐘佢女朋友忽然黎到～！好突然呀下所有野都～！！ 食完飯睇多陣資料、玩左陣電腦就訓了～！

琴晚訓得不甚好，因為訓到半夜對面樓有人開大ＨＩＦＩ喺度唱歌跳舞，真的憤怒了。之後我好不容易終於入睡，仲發夢同我既朋友講返呢件事－＿－ 結果一起身已經係十點，食完早餐同媽媽莎華仔ＭＳＮ左仔之後就出去銀行了～！ 在法國第一個早餐：乳酪、法包、栗米片 大門口～！ 落樓梯先！ 大廈對街既大門～！ 出到街喇，街名係：Rue Vaubecour 本身諗住開HSBC Account...但係星期六冇開，見到有間好多exchange students都用既LCL銀行有開，就入去問問，結果就初步開左了，但要等Host family返黎比住址證明我先算落實。 之後冇野做，就先行去大學探下路睇下要行幾耐先到。發現原來要行成八個字左右，因為學校分左兩個校舍，近果個校舍比較細，遠果個反而要成日去，睇黎之後都係要踩單車或者搭地鐵返學。 屋企附近一個叫Bellecour既廣場~!! 如果係草地就啡哩GOOD! 天色不佳~ 里昂都有Panasonic分部~!!! 莎華仔快D調職過黎啦~~!! 呢條街好大陸-_-.. 林蔭大道~~ 法國遊樂場~ 我讀既大學~~里昂第三大學~~!! 終於黎到正門喇~~! 中途見到有超級市場，入去睇下Ｄ生果。見到有Ｄ桃好平，港幣廿元左右有十個，於是就買黎食下。 唔知點解覺得好似莫斯科~!雖然未去過~! 里昂其中一條河: Le Rhone 然後繼續去埋舊里昂區，區內都係一Ｄ好舊既建築同埋歐洲舊式窄窄既街道～！好多遊客都喺度觀光拍照同食野。 來到舊里昂: Vieux Lyon～ 遊客如鯽~!! 窄窄的街道～！ 里昂古貌～！ 樹下閒走。 ：） 頗有特色的吊橋～！ 好有味道呀！！！！！ 屋企附近一條好長既街：Rue de Victor Hugo~! 行左一陣，就返屋企食桃了～！夜晚冇咩做，一個人在寫網誌。：）

今日都幾辛苦！諗諗下四點起身可能太趕，於是較左三點五十分起身。可能人太緊張既關係，三點二十分都訓唔到，咁就起身啦！執野果陣雖然盡量輕聲，但地方太細了，做少少野都好大聲。四點就出發行去火車站了，其實都有少少驚，因為黑晒又無乜人咁。不過之前問過Hostel既人，佢地話"Safe enough"先夠膽行去。夜黑、落雨，真冷。全程邊急走行邊同莎華仔用電話Skype，令自己比較有安全感（其實我發現喺歐洲真係冇咩安全感，可能係自己一個既關係）。臨去到車站果陣，遇到有個唔知咩人用唔知咩文對我叫左一聲，嚇到癲。搵搵下車站果陣隻鞋又甩左搞到濕晒腳－＿－好彩呢個時候已經見到其他旅客同埋個車站，心情先未至於崩潰！ 等左幾個字終於有得入閘喇，Check passport果個人勁hea，睇左一眼都唔知有冇就過得。上左Eurostar之後，發現呢張成480蚊港幣既票唔多值。Ｄ座位都幾舊同污糟。嗚。一路食琴日既朱古力消化餅一路望著窗外既虛無，坐到英國邊境都仲係天黑。搭左兩個鐘左右，即係七點四十分既時候，忽然有廣播話已經到巴黎。因為張飛寫住到達時間係八點四十六分既關係，我先恍然大悟，巴黎係比倫敦快一個鐘既－＿－。 喺巴黎Gare du Nord 落車，要轉地鐵去Gare de Lyon搭火車去Lyon里昂。喺地鐵站成功用法文同果個售票員買左張地鐵車飛！人生第一句有實際用途既法文～！大感動～！！！！！！法國人同英國人真係好唔同。喺倫敦搬行李，多數會有男士過黎幫我。喺巴黎啲人係唔會理我既。雖然累啲，但總算成功過渡，去到另一個火車站。 開車喇yoyoyo!! gogogogogogog!!! 巴黎小屋~~ 一望無際既田野~ 兩個鐘左右就到達里昂喇，一上到地面就見到有個法國人拎住張紙寫住JOJO！！就係傳說中我個Host parents既女婿Thibault！佢真係好好人好Friendly好幽默仲幾靚仔，中途不斷叫我有咩就問佢，"There is no silly question"！睇黎無論世界邊一個角落，好男人都係結左婚架~_~佢首先車左我返屋企擺低Ｄ野，再帶左我去大學。不過之後因為要搵佢老婆，所以就叫我搞掂自己返歸了～！ 佢地住既係一棟舊樓既其中一層，全層都好似係佢地既，入面有好多間房。因為唔開燈、裝修陳舊既關係

今日老早就起左身，因為有兩個好缺德既法國人七點鐘就喺張床附近講野。呢兩個人琴日已經係咁，吼！要知道果度既環境係細到冇得再細，無論你喺間房邊度講野，幾細聲講野都好，任何一個喺床上面既人都可以清楚聽到你既說話。點解唔可以行出去講野呢？呢件事令我對法國人既印象變差了。＿。 算了，反正今日都要去白金漢宮睇換班儀式，早啲起身行過去都好。儀式１１點半開始，我９點半左右開始行，預計行４５分鐘左右。一出去就落雨了，但因為個袋太細又裝左電腦，冇位 擺遮。行到過去白金漢宮真係又濕又凍，果陣只係１０點半。 正諗緊點樣喺雨中等一個鐘既時候，聽到呢個人同其他人講天雨關係取消左！ 但其實仲有咁多 同咁多人係唔知既。 唯有同白金漢宮講拜拜 離開白金漢宮，雖然已經濕濕地，但係無理由就咁返hostel唔順路去埋Westminister同首相府，於是冒雨前進。其實我係應該搭地鐵既，但係又好唔甘心破戒買地鐵飛，於是繼續行路，哈。（無謂既堅持） 中途經過Westminster Cathedral 左邊就係西敏寺喇~wow!!! wow! 呢個應該係側門~ 正門~!!成16鎊一張飛都好多人入呀, 真係有錢呀D人~_~  由於聽日5點20分火車既關係，今日既行程係去白金漢宮、西敏寺、大笨鐘同首相府，同埋睇埋點樣由hostel去火車站而已。 聞名已久既大笨鐘~!!!! 西敏寺對出既大街~ 大街上既銅像~~ 記憶中係紀念二戰既~!! Downing Street 10！！首相府~!! 保安嚴密~!! 門牌~!!! 御林軍！嗨！！！ 呢個兵哥好孤獨咁企喺水氹中央~ 入面係一個博物館~!呢度好多博物館~_~ 周圍都係銅像~!! Hostel 對出既一條大街上面有Panasonic！dedicated to 莎華小子~！  買左兩個印度飯做午餐同晚餐。特價４鎊兩個，算好平～！！返到Hostel稍事休息同食飯先～ Smart Russell Square 所在的Guilford Street!  休息之後繼續出發！由Hostel行去車站，根據google係18分鐘路程~!! 車站隔離一間歷史悠久兼宏偉既酒店!! 叫做St Pa