1/9 尋找快樂

wow!!不知不覺就9月喇~~!! 不過呢度仲未有涼意，想佢凍又驚太凍，人生真係矛盾。

估唔到Host parents返到黎都係自己整早餐自己食-_-...嗚..!!!! 返到學校，聽左一陣講關於法國地理同歷史既堂，就去左office搞reg 科既野~_~本身BOOK左10點50個timeslot，但係10點40去到既時候，入面果兩個人話有野傾，叫我同本身約10點40既人等到11點，唔知佢地傾咩，一路係咁行黎行去~_~最後11點3先到我，發現自己個名喺個系統入面神秘失蹤，真係好唔可靠呀法國人。好彩好快可以重新加返我既資料入去。。。－＿－

返到去課室上多幾個字就走得，識左另一個喺加拿大黎既人。返到去Myriam同Patrick剛吃完飯，我就煎左隻蛋、炒左Ｄ煙肉菜黎夾麵包，好好食！！食完飯之後要去銀行，同埋法國鐵路巴士既Office搞學生月票。喺銀行Confirm左個帳戶之後，買Civil liability insurance又有阻滯，叫我下午五點再返去問佢，其實真係唔知佢地有Ｄ咩係肯定同埋確實既，問親所有野佢都叫你等，連你同佢make appointment佢都叫你wait a minute。感覺上法國人係一個好鍾意用時間拖延別人既民族。

懷住惡劣既心情行去買月票，結果短短既人龍排左一個鐘。。。入到去櫃檯個法國女人唔講英文不特止態度仲好差，好彩最後都搞到張月票，總算鬆一口氣。上到屋企休息左一陣就返落去銀行，個職員叫我去其他保險公司買，因為我住果度唔係淨係得一間房，而係成間屋，而屋主本身可能又買左保險，所以唔買得果隻保險。但明明我啲同學都係喺呢間銀行買到保險，只不過唔同分行，總不成入面全部都唔係住Home stay卦。睇黎，呢Ｄ銀行唔同分行之間係冇聯繫既。。

返屋企既時候喺兩歐元店買左樽護髮素，好抵呀！！買多左兩張明信片之後先發現咁多張都買貴左，雖然唔係好多，但真係有點灰－＿－

今日食飯Mickeal唔喺度，應該係出左街，得我同Myriam, Patrick食，終於同佢地講多左少少野。Patrick仲話我D法文既用詞同動詞變化使用都唔差，好野呀，睇黎冇白讀兩年。不過我聽力真係好差T_T成日都聽唔明-_-

呢幾日終於冇咁悶。其實我每日都諗，其實幾個月真係好快過，點解唔好好享受呢度既生活？機會好難得，呢個唔係我夢想好耐要做既事嗎？但係好多道理真係知易行難，我做唔到好似其他人咁，不斷好雀躍咁發表自己喺外地有幾咁興奮難忘既status。我明白自己應該投入呢度既文化，但呢一刻我做唔到。上年去北京既時候，其實我都有呢個感覺，覺得好孤獨。後黎我記得有一日，我叮一聲咁忽然覺得冇咩需要唔開心了，我就快樂起來。既然呢一刻既我仲未去到果一刻，我會盡量思考多Ｄ到底我追求既係乜野。如果我冇黎到法國，我唔會明白自己有幾想念香港既人和事。我更加明白自己追求既係安全感同親友在側既感覺。雖然香港唔係人住呢個事實冇改變，但畢竟我生長喺呢度，文化、語言都係我最熟悉既，而我既親友都喺呢度，所以我要重新考慮我到底係咪想要移民成功呢個結果。 黎歐洲咁耐，我最開心既時刻，都係同人（親人、朋友、Host family）傾計、寫或打字、聽歌、睇日劇既短暫時光。回想喺香港，我亦都係呢Ｄ時刻係最快樂既。就算喺英國，坐喺一片自己夢寐以求既草地，仍然有種若有所失既感覺。如果我咁需要精神上快樂，咁我仲應唔應該比一啲無謂既物質概念影響到自己既人生價值？應該點樣令自己更加快樂幸福？

雖然有點茫然，但我會在里昂尋找快樂。：）