今日都幾辛苦!諗諗下四點起身可能太趕,於是較左三點五十分起身。可能人太緊張既關係,三點二十分都訓唔到,咁就起身啦!執野果陣雖然盡量輕聲,但地方太細了,做少少野都好大聲。四點就出發行去火車站了,其實都有少少驚,因為黑晒又無乜人咁。不過之前問過Hostel既人,佢地話"Safe enough"先夠膽行去。夜黑、落雨,真冷。全程邊急走行邊同莎華仔用電話Skype,令自己比較有安全感(其實我發現喺歐洲真係冇咩安全感,可能係自己一個既關係)。臨去到車站果陣,遇到有個唔知咩人用唔知咩文對我叫左一聲,嚇到癲。搵搵下車站果陣隻鞋又甩左搞到濕晒腳-_-好彩呢個時候已經見到其他旅客同埋個車站,心情先未至於崩潰!
等左幾個字終於有得入閘喇,Check passport果個人勁hea,睇左一眼都唔知有冇就過得。上左Eurostar之後,發現呢張成480蚊港幣既票唔多值。D座位都幾舊同污糟。嗚。一路食琴日既朱古力消化餅一路望著窗外既虛無,坐到英國邊境都仲係天黑。搭左兩個鐘左右,即係七點四十分既時候,忽然有廣播話已經到巴黎。因為張飛寫住到達時間係八點四十六分既關係,我先恍然大悟,巴黎係比倫敦快一個鐘既-_-。
喺巴黎Gare du Nord 落車,要轉地鐵去Gare de Lyon搭火車去Lyon里昂。喺地鐵站成功用法文同果個售票員買左張地鐵車飛!人生第一句有實際用途既法文~!大感動~!!!!!!法國人同英國人真係好唔同。喺倫敦搬行李,多數會有男士過黎幫我。喺巴黎啲人係唔會理我既。雖然累啲,但總算成功過渡,去到另一個火車站。
|
開車喇yoyoyo!! |
|
gogogogogogog!!! |
|
巴黎小屋~~ |
|
一望無際既田野~ |
兩個鐘左右就到達里昂喇,一上到地面就見到有個法國人拎住張紙寫住JOJO!!就係傳說中我個Host parents既女婿Thibault!佢真係好好人好Friendly好幽默仲幾靚仔,中途不斷叫我有咩就問佢,"There is no silly question"!睇黎無論世界邊一個角落,好男人都係結左婚架~_~佢首先車左我返屋企擺低D野,再帶左我去大學。不過之後因為要搵佢老婆,所以就叫我搞掂自己返歸了~!
佢地住既係一棟舊樓既其中一層,全層都好似係佢地既,入面有好多間房。因為唔開燈、裝修陳舊既關係,感覺上幾冷冰冰,自己一個喺間屋度冇咩安全感~
|
我間房,影出黎好現代,實際上好古舊,樓底好高~ |
|
有個門簾果度係門口位 |
|
客廳~ |
|
摩洛哥式既飯廳~! |
|
廚房的另一角 |
|
廁所 |
Host parents個仔Mickeal六點鐘就放工返到黎。佢個樣都幾惡,不過個人唔差的,但係冇Thibault咁親切。雖然佢只係廿三歲,但感覺上佢似三十歲。夜晚有個應該係佢女朋友既人上左黎一齊食飯,食千層麵,都幾好食,係有點滯!
Mickeal 聽日去第二度返工,星期日先返。買定左D早餐同晚餐比我。噢,即係我又要一個人練習一個人。
留言
發佈留言