23/8 走到倫敦

今日一朝早就要搭巴士返倫敦了！搭9點半車，所以8點9就要搭的士出發去車站了。有點累，亦有點高興，因為終於唔使被疲勞轟炸了~_~

同一個路線，車費比上次平，4.7鎊only，真係愉快。落的士之後先發現原來上車既地點唔係喺正車站，而係喺車站附近既一條街，好彩問完人之後符符碌碌咁又去到上車地點。

車程好長，但係因為心情平靜既關係，聽下歌又好快到了。落車只不過係1點10左右。誰不知一落車先係惡夢開始~_~。因為有巨大行李既關係，落地鐵站基本上麻煩過我就咁行路N倍，於是我就膽粗粗諗住按住之前Print左既地圖行去hostel啦。點知就出事了，個地圖錯到離晒譜！！原本行45分鐘既路程，我行到4點幾先到。仲要拖住行李又落雨咁，真係情何以堪-.-。雖然中途經過西敏寺同首相府，我都冇心情停落黎影相~_~

好不容易終於到達hostel，雖然好多人一間房，每人淨係得一個床位，但反而幾有安全感~_~個床位又有窗簾，私隠度都幾高！

真係幾鍾意咁既設計, 我要考慮將我同小伙伴既床改建成咁~~!!

唯一唔好就係間房既wifi訊號好弱，要走出去common room先用到電腦同叉到電…/_\

倫敦街頭

呢晚好早就訓左喇，10點左右。總既黎講都幾好訓，係唔知幾點有D人喺出面嘈左陣同埋有D車聲，還可以的。