終於開始歐洲之旅喇！
雖然好值得興奮，但心入面更多既係不捨。搭11點機，6點同媽出發到機場，在機場會合放工的莎華小子。7點半已經到達機場, 將行李寄艙之後就去左快活仔食飯，中途爸打黎，話原來我未帶電腦插蘇，於是原本唔黎送機既佢o係9點10左右黎到機場~_~
之後就入閘喇，嗚哇，可能有爸爸喺度既關係，入閘一刻心情比想像中平靜，但係入完閘之後真係幾空虛，呢種空虛感一路維持到搭飛機既時候。-_-
因為搭既係荷蘭航空，要先喺阿姆斯特丹轉機，再飛去倫敦。架機個感覺唔知點解好唔舒服，好迫。隔離應該係一對荷蘭夫婦，好似唔識講英文咁，但個男人幾好人，幫我搬行李～～yeah！
好似坐左成個世紀先到荷蘭咁，個機場勁UP DUP，睇黎真係冇一個機場好似香港果個咁好~~__~~艾粒香港～但其實，明明好既機場唔係咁難整姐，光D新D都OK啦。
 |
| 影出黎好似好靚咁－＿－ |
|
 |
| 行緊去Ｄ２６ |
 |
| 將會搭去英國既飛機 |
好似搭左唔使八個字就到倫敦，可惜，希斯羅機場勁冇效率。非歐盟／英國人都要排隊過關，等左超過一個鐘先入得，唔係幾明點解唔請多D人開多D counter。 嗚。
 |
| 匆忙一拍 |
結果本身7點9落機，book左11點半巴士去Leeds，以為好寬鬆既時間都係岩岩好，勁驚險。
一出關就要仆去搵地鐵搭去巴士站，仲要將個大件行李搬上搬落，好彩都幾多好心人扶我一把。
倫敦街頭
 |
| 搭緊去Leeds 時既風光 |
 |
| 公路旁既田野 |
 |
| 一個幾有特色既中途站 |
搭左4個幾鐘巴士之後，下午3點9左右終於去到Leeds巴士站，友人已經o係巴士站等我。佢個樣同神色都完全冇變過~__~喺巴士站搭的士返佢屋企，都用左成6磅幾，好貴（由London去Leeds來回都係15磅）。
佢屋企好近佢既大學，係一個好多學生住既區。啲屋都係一啲殘殘舊舊既紅磚屋，勁歐洲。佢租果間屋入面既裝修不甚好，牆身地板都脫落左。除左佢間房之外，其他房都比較侷促。
 |
| 從家中向外望 |
 |
| 房間 |
 |
| 一入黎既走廊 |
 |
| 樓梯 |
 |
| 冇入過去既客廳 |
 |
| 廚房 |
夜晚一齊叫外賣印度食品食，盛惠每人7鎊，包括每人一個咖哩、印度飯、印度烤餅（完全唔記得影相）。雖然淨係上午食左個飛機餐，下午咩都冇食，淨飲左樽橙芒汁（成1.69鎊），但因為有時差既關係，食左少少就食唔落了。
喺攰到癲既情況下，老早十點鐘就不支睡著了。
留言
發佈留言