1/1 一年依始

哇。新年快樂！！踏入新的一年，第一日就睡到十時半！。。。想起來，在歐洲多月，第一次無憂無慮睡到十時半，有點感慨。

一月一日什麼商店都不營業，餐廳除外。博物館亦關門，唯有到華沙頗有名的瓦金基公園走走。

像希臘建築的教堂

新年的華沙街道

這是瓦金基公園北邊的一個公園

湖面結了薄冰，今年冬天歐洲特別暖，如果是往年必定結了厚冰

近看似冬遠如春

紫得出色

小橋。小屋。小人

終於到了瓦金基公園，成排的樹

公園內有不少這樣的雕像。美中不足的是無英文介紹。


這就是公園著名之處：蕭邦雕像

湖上的城堡

想不到遊人頗多！

對稱的倒影


如履薄冰

皇宮近拍，有點殘破


這邊廂滿地紅葉

那邊廂綠意盎然
對這個公園無太大感覺，既不特別美麗亦不算舒適，不過無別的事做，亦可以一遊。如果對城堡皇宮之類仍有熱情，更有可觀之處。可惜看得太多了，有點麻木。

離開公園，沿路找些吃的。在Hostel吃過差不多兩歐的早餐，已經有點餓，最後回到第一日那間Hostel附近的波蘭餐廳。

Hungarian Pancake！像厚身的薄撐，醬汁很濃味，第一口味道不多，但多吃了有點膩

煎蘑菇餃子超好食，味之感動！

吃了兩道超肥膩的菜，這時只是四時，但餐廳竟然有很多人在排隊，奇怪。八時許再烚了昨天剩下的半個黃芽白吃，看見其他Hostel 住客在吃超健康的青瓜三文治-_-，就覺得下午吃得實在太過分了。

晚上看天與地大結局。當日亂打亂撞因為它的禁忌題材（人吃人）而開始追看。始料未及的是，最後它竟然被傳媒催谷成一個社會話題。天與地的配樂和鏡頭運用固然精彩，但最重要還是劇本和演員出色（當然小部分對白還是略為突兀）。第一次覺得林保怡演技好到如此地步，大結局前一集，其中一個鏡頭中，他滴下的眼淚極具感染力。金燕玲爐火純青，佘詩曼做的葉梓恩活脫脫就是她應該做的角色！這劇所帶出的不是什麼艱深道理，只是每一個人都理應經歷、明白的人生。精彩！
位置： 華沙波蘭

留言

  1. Yungho2012年1月3日 下午11:01

    XD唔知你有無機會經過書店，如果你有機會，又順便的話，又有心情，唔介意可唔可以幫我睇下有無得買呢本書：
    Leonardo Da Vinci: The Complete Paintings and Drawings
    作者：Zollner, Frank/ Nathan, Johannes
    出版社：Taschen America Llc
    ISBN：9783836529754
    哈哈哈，謝謝謝。

    果個H Pancake!!!!!同餃子!!!嘩!!!!!!!!!!!最近你介紹的食物都好吸引!!!!!

    回覆刪除
  2. 早2012年1月4日 上午5:04

    !!! !!!!!!!!!!!!!!!!!!!!!!!!!!!!-________-
    德國有冇得買..?!我有時間可以幫你睇下呀?! 但之後果幾日行程都比較被動:D:D我盡量丫~~

    回覆刪除
  3. nihonsara2012年1月4日 下午9:23

    個個餃子好暗...~_~

    我仲未睇過天與地呀~~係咪真係值得睇?!
    前幾日用兩日時間睇完一套今季日劇..叫做家政婦三田..
    係日本破晒收視紀錄..結局個集有40%!
    雖然未至於令人拍案叫絕的精彩..
    但個故事好引人入勝..有時間既話睇下丫~~~

    回覆刪除
  4. 早2012年1月6日 上午7:58

    -_-莎華仔：疏啊，間餐廳好暗，用埋閃光都唔得既。
    哈哈哈哈哈。關於呢套野，其實我都睇晒了。一開始佢無乜Noise果陣我已經每星期睇緊，估唔到最後會咁爆姐。個故事係幾令人好奇，但我覺得好多位都好夾硬。總之成個故事雖然有感動位，但我始終覺得感動位都好假。我自己就麻麻地鍾意。個人覺得套劇係同巾幗差唔多，都係唔係唔好睇，睇果陣都覺得幾精彩，但係睇完之後諗返起又唔知睇左Ｄ咩咁。

    關於天與地，我只能話，係，我真係覺得好精彩。同衝上雲霄一樣列入左我的最愛。我而家部電腦仲Keep住左13-30集，返黎可以比你開黎睇，哈哈。

    回覆刪除
  5. nihonsara2012年1月6日 下午9:38

    下?! 你上面個段係講緊三田??~我好混亂....

    回覆刪除
  6. 早2012年1月6日 下午9:48

    上面果個留言度, 上面果段係講三田..下面係天與地..有冇咁難明唷~~

    回覆刪除
  7. Eric Ngai2012年1月7日 下午11:34

    林保怡係堅料架

    回覆刪除
  8. 早2012年1月9日 上午3:46

    Eric：~_~！之前你明明都話佢做戲膠膠地既－＿－

    回覆刪除

發佈留言

此網誌的熱門文章

9/9 充實的上課天

圖片
九月九日考試日！今日法國文化果科要考試！！雖然佢要求大家九點鐘返去，但其實十點半先入場，九點鐘返去只係聽下啲人講下圖書館同內聯網點用，但聽完都唔係幾識，哈哈哈哈。琴日托Eric 喺家樂福買本簿比我，今日已經有得用喇，佢仲唔使我比返錢佢添（話太平了），太好了～！！ 其貌不揚T_T 五十題ＭＣ，有四十五分鐘做。出奇地比想像中識得多，估唔到搭地鐵搵左果廿分鐘既歷史都出得幾多，應該會合格，哈哈哈哈哈哈！用左唔夠二十分鐘就做完出左黎，等埋其他同伴做埋同去埋銀行，就打算去食飯。點知學校個餐廳竟然連續第二日唔開，明明一日都只係開十一至二，一星期只係開五日，都可以話收就收，真係非常有型～！！！ 校園一角，出面有個花園 校園近街既位置，麥當勞轉入去就係學校 於是大伙兒各自去唔同地點食飯，我就帶埋自製既煙肉生菜三文治上Eric度食，因為一陣四點鐘要一齊上法文堂，順便參觀下著名既Crous到底是什麼一回事，Gill師姐上年都係住呢度。原來Crous係政府提供學生服務既機構，所以由政府起既宿舍同餐廳都可以叫做Crous。佢地住既宿舍旁邊都有Canteen，而呢個Canteen係同大學入面既Canteen同一個System同一個收費既，都可以用入左錢既學生證比錢。 Eric食佢既3.05歐大餐，我食我既三文治，然後上左佢間房參觀，以百幾歐一個月黎講真係超級抵。房間唔算細，冇廁所但有洗手盤，有共用浴室、廁所、廚房同細細格既雪櫃，景觀仲幾開揚添～！ 天色非常爆炸好，景觀都唔錯，個FEEL幾似中大！ 喺度上左陣ＭＳＮ，睇左陣網上報紙，就落返去上堂！！今堂係迎新周最後一堂法文，下星期就正式上堂了，要一上上四個鐘法文，仲要係八點鐘～！！好早呀，不過一星期得一日有法文，而且係星期五，算了吧～！下星期一二都冇堂，我應該做啲咩？~_~ 行返返屋企已經六點十喇，行左九個字，但感覺都好過不見天日咁搭地鐵，又健康啲！今晚食既係焗蕃茄（又係冇肉，咩事呀，一係食菜一係食肉？），但配合埋啲香草都幾香幾好食。每日都食一種新既芝士，今日食既係山羊芝士，呢種麻麻地，太重口味。 食飯果陣問左佢地鍾唔鍾意睇書、睇戲咁，但好無癮既係我成日都唔明佢地既Response..問左三兩次都唔明，又唔好意思繼續問~_~..但明明Professor講既法文我都大致上明丫~_~同Myri
閱讀更多

16/9 我在做什麼

今天須早起，早上八時有法文課。六時半起床，七時半出門，遲了五分鐘才到達課室，可幸的是教授還未開始講課。 因為課堂時間問題，由第八班調到第七班，明顯感到同學的程度比較低（但好像仍然比我高-_-）。教授很認真，有人遲到立刻被輕責，但她教得挺好，不怪她。上課時發現她偏好要求非亞洲人回答問題，真不知怎樣形容這種感覺，身為中國人，唯有怪自己太樣衰。法文堂要Presentation，每人八至十分鐘，我的天！ 邊上課邊打瞌睡，完全抵受不住睡魔侵擾。好不容易才捱過了四小時，發瘋。午飯時到了Jennifer家午膳，感受到她是真心當我是朋友的人，雖然先吃了自製三文治，再吃了她弄的一些炒飯和乳酪，仍然很餓。－＿－兩點再回校上European Economics，課室很悶熱，焗到幾乎暈，要以紙作扇，中途又打了很多次瞌睡，好不容易捱到中途休息，可以轉課室。這一科要Presentation，和Shane一起做關於Green Business in Europe的題目，希望順利過渡。 課堂結束之後走路回家。Guilloterie龍蛇混雜，每次都要急步走過，雖然未發生什麼，但還是小心點好。回家之後，莎華還沒睡，淺談了一會兒。 今晚Myriam和Patrick去參加婚禮（又有），只剩我一人吃昨晚的蕃茄豬肉。。。結果，我將飯炒香，加入了包芯菜，又另外炒了蕃茄豬肉，再將芝士混入，好吃多了。飯後再吃了乳酪和無花果，洗澡後泡了人蔘烏龍放在床頭邊喝邊用電腦，不亦樂乎。 這陣子都在計劃行程，很充實又有點苦惱，然而到最尾還是高興的。
閱讀更多

3/9 博物館天

圖片
星期六喇終於，不用早起，感覺良好。如常吃了早餐之後多吃了一個西柚，Myriam後來又買了梨子回來，告訴我可以食用，太好了！！ 十時多至十一時半都在跟媽在ＭＳＮ對話，感覺上在ＭＳＮ的她思絡比平時清晰。佢仲話：有時少少悶幾好既，可以洗滌心靈。呢句野完全唔似會出自佢既口中，實在令人震驚。無論如何，同家人談話既感覺太令人感動了～  十二點約左中大既同學William 同Eric喺附近既電車站等，再上其中兩個中大同學Chloe, Jennifer既屋企匯合他們二人同另一個Eric。因天色不佳，向博物館進發～！！ 等佢地既電車站！Centre de Berthelot~ 電車站眾生相 里昂有免費比市民代步既單車，但每次只限用三十分鐘。 純粹等人既時候覺得幾靚。 一條小街。 春天百貨。圖右下角係Eric同Chloe.. 純粹想影下D人... 里昂遊覽單車，好似幾舒服咁。 周圍都見到既藥房，唔知點解好多！！ 好靚既教堂～！ 門口有個女仔坐左喺度寫野，好歐洲~_~ 兩母子喺教堂門行乞... 個人樣好似卡通片果D... 里昂既地鐵站都係咁樣既，有條柱最頂印住個M字Logo~~ 歐洲式大廈既窗，睇歐洲電影成日見到～！！  去左兩個博物館，都比想像中好睇。一個係Musee de l'impriere，即係印刷博物館；另一個Musee de Beaux Arts，藝術博物館。因為係二十六歲以下既學生關係，免費入場，如果唔係好似兩間都要幾歐元入場費。 入到去Musee de l'impriere！ 呢度既博物館入場券都好精緻，張張唔同的！Like!!P.S.調轉左.. 原始印刷術~~ 好舊好舊既樓梯~~ 好犀利呀可以雕到右邊咁！諗起中二三果陣整版畫整到勁低層次。 估計係用黎壓印的～ 行完呢個之後已經三點，去左買麵包食！ 掛滿法國旗既街道！ 上次搵唔到既市政廳：Hotel de ville~~! 好靚既噴泉～  入去藝術博物館喇～！：） 其實我係想影個像既，不過影果陣呢兩個人都望晒過黎，哈～好似幫佢地影合照咁。 拎住個骷髏頭～！！ 閒適～！
閱讀更多