20/10 沒做什麼

每天打網誌的時候總要回想當天做了什麼，事實上很多時候都只是想了很多，實際上卻無做什麼，而往往思路太雜亂，總是回想不起想過什麼，結果全日最重要的部分反而被省略了。

今天做了什麼呢？早上悠閒在家，就是看能不能上網、查一查銀行帳戶、吃一點東西，已經一個早上。賦閒在家，時間總是過得很快。午餐用昨天用剩的忌廉煮了翠玉瓜意粉。這裡的翠玉瓜表皮很深色，像青瓜的色，味道亦比香港的好吃。在香港吃的翠玉瓜，感覺上有種洗潔精味，這裡的翠玉瓜不單無這種味，而且更鮮甜，和忌廉香草味亦很搭配。滿足的午餐！

下午提早了少許出門走路回校，可惜最後還是遲了幾分鐘，幸好到達課室還在點名。今堂Organizational behaviour說的是Organizational Change，例如公司如何改變、改變公司的阻力等等。漸漸發現這有趣的課堂實際以吹水居多。課堂下半部是Case study，四人一組看幾頁資料然後即堂回答幾條問題。很奇怪，明明是四人一組，我和其他五人一起組了一個六人組，又好像無人認為有問題。哈哈哈。六頁資料，其中一女生提議每人看一頁，很聰明的方法！於是很快就做好了！下課前確認了Term project會和Julie以及另外兩個同學一組，很好。

下課後先到電腦室列印意大利之行的車票機票，然後回家。回家後不一陣子Mickeal就回來了，他告訴我今晚要和同事吃飯，今晚我可以吃Pizza，然後又外出了！為了準備吃Pizza，外出跑步二十分鐘，本想跑更長時間，可惜七時二十分天已經很黑，有點危險。可能入夜的關係，又或者天氣真的開始涼了，很大風，手指都凍僵了。

飯後洗衣服、準備明天的午餐，然後悠閒地上網，今晚要早點睡，明天又要早起了！！

留言

  1. Yungho2011年10月21日 下午10:25

    喂好耐無留言俾你添，哈哈，講開又講，香港的翠玉瓜有時真係有怪味，我成日都諗到底係咩味，原來係洗潔精－。－

    回覆刪除
  2. 早2011年10月22日 上午12:57

    hahahaha!!!!!!!唔緊要，你咁多野做－＿－!!!!!! 太好喇~！！！終於有人認同我～！我成日同人講有怪味都冇人認同我架：ＤＤＤＤ！！

    回覆刪除
  3. nihonsara2011年10月22日 下午7:28

    下...我冇認同你咩??! 我不嬲都覺得有洗潔精味架!!!

    回覆刪除
  4. 早2011年10月22日 下午11:07

    哈哈哈哈~~係咩？但又好似冇咁抗拒咁既？

    回覆刪除

發佈留言

此網誌的熱門文章

9/9 充實的上課天

圖片
九月九日考試日！今日法國文化果科要考試！！雖然佢要求大家九點鐘返去，但其實十點半先入場，九點鐘返去只係聽下啲人講下圖書館同內聯網點用，但聽完都唔係幾識，哈哈哈哈。琴日托Eric 喺家樂福買本簿比我，今日已經有得用喇，佢仲唔使我比返錢佢添（話太平了），太好了～！！ 其貌不揚T_T 五十題ＭＣ，有四十五分鐘做。出奇地比想像中識得多，估唔到搭地鐵搵左果廿分鐘既歷史都出得幾多，應該會合格，哈哈哈哈哈哈！用左唔夠二十分鐘就做完出左黎，等埋其他同伴做埋同去埋銀行，就打算去食飯。點知學校個餐廳竟然連續第二日唔開，明明一日都只係開十一至二，一星期只係開五日，都可以話收就收，真係非常有型～！！！ 校園一角，出面有個花園 校園近街既位置，麥當勞轉入去就係學校 於是大伙兒各自去唔同地點食飯，我就帶埋自製既煙肉生菜三文治上Eric度食，因為一陣四點鐘要一齊上法文堂，順便參觀下著名既Crous到底是什麼一回事，Gill師姐上年都係住呢度。原來Crous係政府提供學生服務既機構，所以由政府起既宿舍同餐廳都可以叫做Crous。佢地住既宿舍旁邊都有Canteen，而呢個Canteen係同大學入面既Canteen同一個System同一個收費既，都可以用入左錢既學生證比錢。 Eric食佢既3.05歐大餐，我食我既三文治，然後上左佢間房參觀，以百幾歐一個月黎講真係超級抵。房間唔算細，冇廁所但有洗手盤，有共用浴室、廁所、廚房同細細格既雪櫃，景觀仲幾開揚添～！ 天色非常爆炸好，景觀都唔錯，個FEEL幾似中大！ 喺度上左陣ＭＳＮ，睇左陣網上報紙，就落返去上堂！！今堂係迎新周最後一堂法文，下星期就正式上堂了，要一上上四個鐘法文，仲要係八點鐘～！！好早呀，不過一星期得一日有法文，而且係星期五，算了吧～！下星期一二都冇堂，我應該做啲咩？~_~ 行返返屋企已經六點十喇，行左九個字，但感覺都好過不見天日咁搭地鐵，又健康啲！今晚食既係焗蕃茄（又係冇肉，咩事呀，一係食菜一係食肉？），但配合埋啲香草都幾香幾好食。每日都食一種新既芝士，今日食既係山羊芝士，呢種麻麻地，太重口味。 食飯果陣問左佢地鍾唔鍾意睇書、睇戲咁，但好無癮既係我成日都唔明佢地既Response..問左三兩次都唔明，又唔好意思繼續問~_~..但明明Professor講既法文我都大致上明丫~_~同Myri
閱讀更多

16/9 我在做什麼

今天須早起，早上八時有法文課。六時半起床，七時半出門，遲了五分鐘才到達課室，可幸的是教授還未開始講課。 因為課堂時間問題，由第八班調到第七班，明顯感到同學的程度比較低（但好像仍然比我高-_-）。教授很認真，有人遲到立刻被輕責，但她教得挺好，不怪她。上課時發現她偏好要求非亞洲人回答問題，真不知怎樣形容這種感覺，身為中國人，唯有怪自己太樣衰。法文堂要Presentation，每人八至十分鐘，我的天！ 邊上課邊打瞌睡，完全抵受不住睡魔侵擾。好不容易才捱過了四小時，發瘋。午飯時到了Jennifer家午膳，感受到她是真心當我是朋友的人，雖然先吃了自製三文治，再吃了她弄的一些炒飯和乳酪，仍然很餓。－＿－兩點再回校上European Economics，課室很悶熱，焗到幾乎暈，要以紙作扇，中途又打了很多次瞌睡，好不容易捱到中途休息，可以轉課室。這一科要Presentation，和Shane一起做關於Green Business in Europe的題目，希望順利過渡。 課堂結束之後走路回家。Guilloterie龍蛇混雜，每次都要急步走過，雖然未發生什麼，但還是小心點好。回家之後，莎華還沒睡，淺談了一會兒。 今晚Myriam和Patrick去參加婚禮（又有），只剩我一人吃昨晚的蕃茄豬肉。。。結果，我將飯炒香，加入了包芯菜，又另外炒了蕃茄豬肉，再將芝士混入，好吃多了。飯後再吃了乳酪和無花果，洗澡後泡了人蔘烏龍放在床頭邊喝邊用電腦，不亦樂乎。 這陣子都在計劃行程，很充實又有點苦惱，然而到最尾還是高興的。
閱讀更多

3/9 博物館天

圖片
星期六喇終於，不用早起，感覺良好。如常吃了早餐之後多吃了一個西柚，Myriam後來又買了梨子回來，告訴我可以食用，太好了！！ 十時多至十一時半都在跟媽在ＭＳＮ對話，感覺上在ＭＳＮ的她思絡比平時清晰。佢仲話：有時少少悶幾好既，可以洗滌心靈。呢句野完全唔似會出自佢既口中，實在令人震驚。無論如何，同家人談話既感覺太令人感動了～  十二點約左中大既同學William 同Eric喺附近既電車站等，再上其中兩個中大同學Chloe, Jennifer既屋企匯合他們二人同另一個Eric。因天色不佳，向博物館進發～！！ 等佢地既電車站！Centre de Berthelot~ 電車站眾生相 里昂有免費比市民代步既單車，但每次只限用三十分鐘。 純粹等人既時候覺得幾靚。 一條小街。 春天百貨。圖右下角係Eric同Chloe.. 純粹想影下D人... 里昂遊覽單車，好似幾舒服咁。 周圍都見到既藥房，唔知點解好多！！ 好靚既教堂～！ 門口有個女仔坐左喺度寫野，好歐洲~_~ 兩母子喺教堂門行乞... 個人樣好似卡通片果D... 里昂既地鐵站都係咁樣既，有條柱最頂印住個M字Logo~~ 歐洲式大廈既窗，睇歐洲電影成日見到～！！  去左兩個博物館，都比想像中好睇。一個係Musee de l'impriere，即係印刷博物館；另一個Musee de Beaux Arts，藝術博物館。因為係二十六歲以下既學生關係，免費入場，如果唔係好似兩間都要幾歐元入場費。 入到去Musee de l'impriere！ 呢度既博物館入場券都好精緻，張張唔同的！Like!!P.S.調轉左.. 原始印刷術~~ 好舊好舊既樓梯~~ 好犀利呀可以雕到右邊咁！諗起中二三果陣整版畫整到勁低層次。 估計係用黎壓印的～ 行完呢個之後已經三點，去左買麵包食！ 掛滿法國旗既街道！ 上次搵唔到既市政廳：Hotel de ville~~! 好靚既噴泉～  入去藝術博物館喇～！：） 其實我係想影個像既，不過影果陣呢兩個人都望晒過黎，哈～好似幫佢地影合照咁。 拎住個骷髏頭～！！ 閒適～！
閱讀更多