10/9 閒遊金頭公園

朝早訓到8點鐘就訓唔著，人真係犯賤呀，有得訓晏啲都訓唔到～！！刷完牙之後咁岩Patrick同Myriam食緊早餐，咁我就史無前例咁同佢地一齊食早餐，雖然都係我有我食栗米片、乳酪同包，佢有佢地食麵包同飲薄荷茶！

食完無幾耐Mickeal一身運動Look咁同我講早晨，自從我上次問完佢考試考成點之後佢相對黎講熱情左～成功喇！！Yeah!!

食完早餐仲係有啲餓，於是百無聊賴邊食少少排包，邊睇埋套「有你終生美麗」。睇到十一點忽然醒起可以去銀行拎銀行卡，落到去先發現自己除左通知信之外，護照冇帶係拎唔到既，於是就唯有返返上屋企，星期二再拎，反正唔急。十二點幾本身諗住煮野食之後一點出去，點知佢地又食緊午餐，廢事阻住佢地食飯，於是成一點先煮腸仔茄汁生菜意粉（又係），結果一點半先仆出去Part-Dieu會合大伙兒去公園Le parc de la tete d'or （中文即係金色的頭的公園）。

搭巴士C1線一出就係公園其中一個入口，好方便～！

天色甚佳，萬里無雲！

路很闊，同英國公園入面既小路完全唔同～

鹿仔也悠閒

小鹿

好大片草地比鹿仔生活，做鹿都要做隻法國鹿

小攤檔，有疑似燈籠既膠公仔賣

我既同伴：Eric、Chloe、Ginnie、William同被William遮住既Jennifer

綠草如茵，同英國好唔同呀，英國人好鍾意曬太陽，法國人都匿喺樹陰下～！

一個類似木倫劇場既劇場

可愛既小朋友同旋轉木馬

長頸鹿要同牛同居

我係咪第一次親眼見到長頸鹿呢？

係咪水牛？

呢兩隻長頸鹿維持左呢個姿勢好耐

仙鶴

真疏乎

唔知係乜！

小朋友騎馬仔

同伴：Chloe、William、Eric、Jennifer同好遠處既Eric Li

猛男與美女湖上泛舟

陽光灑落湖面

水天一色

行公園行到五點幾，大家不約而同話肚餓，於是就打算走了。由於星期日超市關門，所以大家順道去平超市掃貨，我就買定特價麥包做儲備。Jennifer提議食焦糖雪糕，1.89有一大盒，三人share，雖然有點太膩，但不亦樂乎。

返到屋企已經七點幾，因為食左雪糕既關係，急急腳喺天黑之前去湖邊跑返轉步。跑步既時候望到個月光，不期然諗起喺天水圍跑步既日子，都係會望到月光。之前成日都喺度諗，唔知喺法國同一個月光之下，我係喺咩環境下跑步呢？而家終於黎到呢一刻，感覺真係好奇妙。既有少少新奇感，又有一種說不出的淡然。諗到自己喺一個歐洲國家，竟然冇細細個幻想出黎既興奮，真係有點惆悵。果然人生既喜樂完全唔在於客觀既事，只在乎主觀既心。唔知幾時我先可以用一個平和但喜悅既心情去面對人生起跌呢？好希望真係有呢一刻。

今日得我自己一個食，Patrick同Myriam去左同朋友食飯同游水，Mickeal就唔知去左邊。

有蕃茄、烤豬肉、啤梨、麵包同早兩日既螺絲粉

螺絲粉聞落有Ｄ怪味，於是用紙包起佢倒左。烤豬肉個味有少少似屋企整既自製叉燒，但一定係我地果Ｄ入味Ｄ。或者呢一兩日買Ｄ湯圓煮比佢地食先，應下中秋節。

食完飯沖埋涼都已經九點幾，發現有D近期D既家庭照！！

大家估下邊個係Mickeal, Patrick, Myriam同Thilbault！

後排白色恤衫果個係Mickeal，隔離紅衫係Patrick，再隔離高Ｄ就係Myriam，Myriam下面著恤衫外加冷衫既就係Thilbault！！其他都係佢地既仔女同伴侶，但係唔記得D名-_-

 
決定由今日開始寫低晒D法文字落簿度，一定要學好法文，唔可以之後先後悔浪費左光陰架！

聽日或者去Vieux Lyon睇下Myriam介紹果個陶瓷展，然後去下Museum或者河邊睇下書先。