7/9 在法國要不斷思考交友之道

昨晚睡得不錯，心情舒暢。食完早餐兼同莎華仔稍為傾談左一陣就返學了～！今日係另一個教授講里昂所處既Rhone-Alpes地區同埋法國既文化（音樂、電影、文學等）。好有趣既課題比佢講到好悶，佢好似淨係喺維基度照ｃｏｐｙ過黎講咁，完全唔知想點～！！

下午去左學校餐廳食3.05歐既飯，以量黎講，好豐富！有三個主菜（我揀左薯條、魚柳批、紅蘿蔔），一個沙律、一個甜品（揀左個好難食既檸檬蛋糕）同埋麵包， 飽到癲，但係，質素好差，下次都係食返三文治，雖然無咁飽，但係1歐都唔使~_~

食完飯去左搵Shane再一齊搵official confirm下course selection，好似總算ＯＫ了，不過未到最後一刻都係唔好信法國人。

法文課今堂講法國既教育制度，個人認為仲有趣過上午果堂法國文化，哈哈哈哈，雖然有時唔係幾明，但明既時候又會好開心。

放學之後同Eric一齊去銀行，我去拎返Host family既身份證Copy。本身Patrick係比左張好朦既Copy我，然後銀行再比左張更朦既Copied Copy比我，咁我用唔用呢張野去申請居留證好呢？好煩。。點解所有野喺法國都變得咁複雜：（

行行下喺街上面撞到Ling Jeng，佢係一個喺深圳去多倫多讀書既大學生。發現大家原來住得真係幾近。然後一齊去左Vieux Lyon，呢個地方真係幾舒服，同佢又幾投契，唔錯唔錯。講講下先發現自己黎到法國一張自己既相都未影過-_-，我應該幾時再問Host Family合唔合照-_-?？

今晚晚餐係Mickeal下廚，煮既係奶油芝士焗唔知咩瓜，質感好正常呀仲幾好味，不過冇肉既！！睇黎Mickeal煮野仲好食過Myriam！！下次食飯帶張紙同筆叫Myriam寫低D野食物名先-_-！琴日聽Myriam講Mickeal讀Master要考試好辛苦，食飯之前我問Mickeal考試考成點，佢好似有少少開心咁，太好喇，我成日都覺得佢忽視我架，哈哈哈哈哈！