6/9 在法國要學會包容

睡到九點半就起床了，睡得唔錯幾滿足！食完早餐之後同媽媽莎華仔ＭＳＮ左一陣，感覺良好～！一點鐘整左蕃茄蛋腸仔三文治食，好食得黎都唔算太唔健康！！之後就出街了，先去郵局寄明信片，哇，好貴呀！用左我8.9歐，一張0.89歐元，即係9蚊一張，TOTAL成90蚊港幣T_T估唔到寄明信片都咁奢侈T_______T

之後諗住去銀行拎返HOST FATHER張身份證COPY黎交去學校搞居留證明，點知同個粉皮RECEPTIONIST講左一大輪佢先話負責人聽日下午先返，呢個人真係好討厭，唔識英文仲要態度極差，佢好明顯歧視緊我，比我見到佢黑面！！最衰我法文差，唔係我一定鬧爆佢～！！！

算了，時間尚早諗住周圍行下，但係又好曬，於是就諗住睇下附近有咩博物館好去啦～！！沿途順路又去左超平超市買左棵生菜同埋一包朱古力餅（好難食！！），夾埋都唔使一歐，呵呵呵～～！！

去到非洲博物館果陣度門有張椅喺度卡住左，即係冇開？！！算了，法國所有野都可以隨時唔開的～！！咁就唯有早少少返學校坐下花園，食左兩三塊餅之後荷蘭朋友Stephanie行過黎吹左陣水，雖然其實我都唔係幾習慣歐洲人既身體語言，但係總算同佢叫有少少野講，感覺係相對黎講舒服的～！！

坐左一陣就上去上堂喇，同Eric、日本女仔Shiori同台灣男仔Shane一齊坐同一行，感覺上呢幾個都係值得認識既人！最唔好既係，坐得後左少少唔係幾睇到黑板，而且Ｄ同學真係好勁，聽同講都好犀利，我成日都唔係幾明老師講乜。不過正常既，我都習慣左，喺港大都係咁，哈哈哈～早已經習慣左法文帶比我既挫敗感～！

返到屋企已經七點喇， 過左一陣就食飯了，今日食既係。。。加左醋同埋油、焗到冧左既紅椒，同埋飯加琴日既雜菜。哇，真係好精彩呀，完全唔知點解人類可以整到呢啲咁怪異既送～！！可喜既係其實都唔難食，只係真係好奇怪～！！！今日食既芝士好好食呀！！係有香蔥味既芝士～！！！！！！！！！！！！如果喺香港都買到就好喇，聽日問多次隻芝士點串先個名～！今日食飯得我同Myriam，Patrick好似去左唔知邊度（聽唔明－＿－）。途中，我問Myriam係咪法國有小朋友出世之後都會一家人食一餐飯，跟住我話，中國人係會一個月之後先一大班人喺餐廳食。大家都意識到文化差異！呵呵呵～

打緊網誌果陣有外國人喺街上面Dem Beat，發現呢種蠢事唔係得香港人會做。天下烏鴉一樣黑～！！
位置： 里昂, 法國

留言

  1. Yungho2011年9月7日 下午9:13

    哈哈哈哈平過係日本寄呀!!!!!!!!!!!!!!!!

    哈哈哈法國人係咪好邪惡???????

    哈哈我從來無dem過呀~~~~~~~~~~~~~~~~~~~~~~~~~~~~~勁不屑~~~~~~~

    回覆刪除
  2. 早2011年9月8日 上午4:05

    wow!!竟然~_~!!!!!!日本真係日本~~

    法國人好高傲~_~但未算邪惡既我諗:(

    人在江湖, 身不由己, sigh!!!

    回覆刪除
  3. nihonsara2011年9月8日 下午11:03

    哈哈~~法國人真係比你形容到勁不濟!!!!

    可唔可以影多D相呀?! 同荷蘭朋友個d 影下啦~
    校園呢? 課室呢?!

    回覆刪除
  4. 早2011年9月9日 上午3:08

    hahaha!! yeah!! 睇下認識到法國朋友會唔會有所改觀XD!!

    可以可以~~係既係既, 荷蘭朋友就未必影到喇唔係咁熟, 台灣同香港都OK呀!! 我會嘗試下:)
    校園同課室.....都幾核突, 但我影下啦哈哈哈~~

    回覆刪除
  5. Jeff Lai2011年11月7日 下午9:35

    好彩我係你去之前去左姐...如果唔係睇完咁"精彩"既描述, 應該會打消去法國既念頭~___~"

    回覆刪除
  6. 早2011年11月9日 上午7:17

    hahah!! 係呀? 但如果我係你我反而會好想再去多次證實下係咪真係咁衰XD!!!

    回覆刪除

發佈留言

此網誌的熱門文章

9/9 充實的上課天

圖片
九月九日考試日！今日法國文化果科要考試！！雖然佢要求大家九點鐘返去，但其實十點半先入場，九點鐘返去只係聽下啲人講下圖書館同內聯網點用，但聽完都唔係幾識，哈哈哈哈。琴日托Eric 喺家樂福買本簿比我，今日已經有得用喇，佢仲唔使我比返錢佢添（話太平了），太好了～！！ 其貌不揚T_T 五十題ＭＣ，有四十五分鐘做。出奇地比想像中識得多，估唔到搭地鐵搵左果廿分鐘既歷史都出得幾多，應該會合格，哈哈哈哈哈哈！用左唔夠二十分鐘就做完出左黎，等埋其他同伴做埋同去埋銀行，就打算去食飯。點知學校個餐廳竟然連續第二日唔開，明明一日都只係開十一至二，一星期只係開五日，都可以話收就收，真係非常有型～！！！ 校園一角，出面有個花園 校園近街既位置，麥當勞轉入去就係學校 於是大伙兒各自去唔同地點食飯，我就帶埋自製既煙肉生菜三文治上Eric度食，因為一陣四點鐘要一齊上法文堂，順便參觀下著名既Crous到底是什麼一回事，Gill師姐上年都係住呢度。原來Crous係政府提供學生服務既機構，所以由政府起既宿舍同餐廳都可以叫做Crous。佢地住既宿舍旁邊都有Canteen，而呢個Canteen係同大學入面既Canteen同一個System同一個收費既，都可以用入左錢既學生證比錢。 Eric食佢既3.05歐大餐，我食我既三文治，然後上左佢間房參觀，以百幾歐一個月黎講真係超級抵。房間唔算細，冇廁所但有洗手盤，有共用浴室、廁所、廚房同細細格既雪櫃，景觀仲幾開揚添～！ 天色非常爆炸好，景觀都唔錯，個FEEL幾似中大！ 喺度上左陣ＭＳＮ，睇左陣網上報紙，就落返去上堂！！今堂係迎新周最後一堂法文，下星期就正式上堂了，要一上上四個鐘法文，仲要係八點鐘～！！好早呀，不過一星期得一日有法文，而且係星期五，算了吧～！下星期一二都冇堂，我應該做啲咩？~_~ 行返返屋企已經六點十喇，行左九個字，但感覺都好過不見天日咁搭地鐵，又健康啲！今晚食既係焗蕃茄（又係冇肉，咩事呀，一係食菜一係食肉？），但配合埋啲香草都幾香幾好食。每日都食一種新既芝士，今日食既係山羊芝士，呢種麻麻地，太重口味。 食飯果陣問左佢地鍾唔鍾意睇書、睇戲咁，但好無癮既係我成日都唔明佢地既Response..問左三兩次都唔明，又唔好意思繼續問~_~..但明明Professor講既法文我都大致上明丫~_~同Myri
閱讀更多

16/9 我在做什麼

今天須早起，早上八時有法文課。六時半起床，七時半出門，遲了五分鐘才到達課室，可幸的是教授還未開始講課。 因為課堂時間問題，由第八班調到第七班，明顯感到同學的程度比較低（但好像仍然比我高-_-）。教授很認真，有人遲到立刻被輕責，但她教得挺好，不怪她。上課時發現她偏好要求非亞洲人回答問題，真不知怎樣形容這種感覺，身為中國人，唯有怪自己太樣衰。法文堂要Presentation，每人八至十分鐘，我的天！ 邊上課邊打瞌睡，完全抵受不住睡魔侵擾。好不容易才捱過了四小時，發瘋。午飯時到了Jennifer家午膳，感受到她是真心當我是朋友的人，雖然先吃了自製三文治，再吃了她弄的一些炒飯和乳酪，仍然很餓。－＿－兩點再回校上European Economics，課室很悶熱，焗到幾乎暈，要以紙作扇，中途又打了很多次瞌睡，好不容易捱到中途休息，可以轉課室。這一科要Presentation，和Shane一起做關於Green Business in Europe的題目，希望順利過渡。 課堂結束之後走路回家。Guilloterie龍蛇混雜，每次都要急步走過，雖然未發生什麼，但還是小心點好。回家之後，莎華還沒睡，淺談了一會兒。 今晚Myriam和Patrick去參加婚禮（又有），只剩我一人吃昨晚的蕃茄豬肉。。。結果，我將飯炒香，加入了包芯菜，又另外炒了蕃茄豬肉，再將芝士混入，好吃多了。飯後再吃了乳酪和無花果，洗澡後泡了人蔘烏龍放在床頭邊喝邊用電腦，不亦樂乎。 這陣子都在計劃行程，很充實又有點苦惱，然而到最尾還是高興的。
閱讀更多

3/9 博物館天

圖片
星期六喇終於，不用早起，感覺良好。如常吃了早餐之後多吃了一個西柚，Myriam後來又買了梨子回來，告訴我可以食用，太好了！！ 十時多至十一時半都在跟媽在ＭＳＮ對話，感覺上在ＭＳＮ的她思絡比平時清晰。佢仲話：有時少少悶幾好既，可以洗滌心靈。呢句野完全唔似會出自佢既口中，實在令人震驚。無論如何，同家人談話既感覺太令人感動了～  十二點約左中大既同學William 同Eric喺附近既電車站等，再上其中兩個中大同學Chloe, Jennifer既屋企匯合他們二人同另一個Eric。因天色不佳，向博物館進發～！！ 等佢地既電車站！Centre de Berthelot~ 電車站眾生相 里昂有免費比市民代步既單車，但每次只限用三十分鐘。 純粹等人既時候覺得幾靚。 一條小街。 春天百貨。圖右下角係Eric同Chloe.. 純粹想影下D人... 里昂遊覽單車，好似幾舒服咁。 周圍都見到既藥房，唔知點解好多！！ 好靚既教堂～！ 門口有個女仔坐左喺度寫野，好歐洲~_~ 兩母子喺教堂門行乞... 個人樣好似卡通片果D... 里昂既地鐵站都係咁樣既，有條柱最頂印住個M字Logo~~ 歐洲式大廈既窗，睇歐洲電影成日見到～！！  去左兩個博物館，都比想像中好睇。一個係Musee de l'impriere，即係印刷博物館；另一個Musee de Beaux Arts，藝術博物館。因為係二十六歲以下既學生關係，免費入場，如果唔係好似兩間都要幾歐元入場費。 入到去Musee de l'impriere！ 呢度既博物館入場券都好精緻，張張唔同的！Like!!P.S.調轉左.. 原始印刷術~~ 好舊好舊既樓梯~~ 好犀利呀可以雕到右邊咁！諗起中二三果陣整版畫整到勁低層次。 估計係用黎壓印的～ 行完呢個之後已經三點，去左買麵包食！ 掛滿法國旗既街道！ 上次搵唔到既市政廳：Hotel de ville~~! 好靚既噴泉～  入去藝術博物館喇～！：） 其實我係想影個像既，不過影果陣呢兩個人都望晒過黎，哈～好似幫佢地影合照咁。 拎住個骷髏頭～！！ 閒適～！
閱讀更多