1/11 旅行之後
上午六時才入睡，睡至十時起床。整天都在補打網誌，下午吃了忌廉通粉。晚上外出跑步，但下雨，全身濕透回家。Myriam和Patrick外出看電影Les couleuers de sentiment，只有我和Mickael在家。他太累無吃晚餐，仍弄了些意大利雲吞給我。雖然雲吞很清淡什麼都無下，但還是久違了這種味道，可以在家靜靜地吃些什麼仍然感覺良好。
9/9 充實的上課天
九月九日考試日！今日法國文化果科要考試！！雖然佢要求大家九點鐘返去，但其實十點半先入場，九點鐘返去只係聽下啲人講下圖書館同內聯網點用，但聽完都唔係幾識，哈哈哈哈。琴日托Eric 喺家樂福買本簿比我，今日已經有得用喇，佢仲唔使我比返錢佢添（話太平了），太好了～！！ 其貌不揚T_T 五十題ＭＣ，有四十五分鐘做。出奇地比想像中識得多，估唔到搭地鐵搵左果廿分鐘既歷史都出得幾多，應該會合格，哈哈哈哈哈哈！用左唔夠二十分鐘就做完出左黎，等埋其他同伴做埋同去埋銀行，就打算去食飯。點知學校個餐廳竟然連續第二日唔開，明明一日都只係開十一至二，一星期只係開五日，都可以話收就收，真係非常有型～！！！ 校園一角，出面有個花園 校園近街既位置，麥當勞轉入去就係學校 於是大伙兒各自去唔同地點食飯，我就帶埋自製既煙肉生菜三文治上Eric度食，因為一陣四點鐘要一齊上法文堂，順便參觀下著名既Crous到底是什麼一回事，Gill師姐上年都係住呢度。原來Crous係政府提供學生服務既機構，所以由政府起既宿舍同餐廳都可以叫做Crous。佢地住既宿舍旁邊都有Canteen，而呢個Canteen係同大學入面既Canteen同一個System同一個收費既，都可以用入左錢既學生證比錢。 Eric食佢既3.05歐大餐，我食我既三文治，然後上左佢間房參觀，以百幾歐一個月黎講真係超級抵。房間唔算細，冇廁所但有洗手盤，有共用浴室、廁所、廚房同細細格既雪櫃，景觀仲幾開揚添～！ 天色非常爆炸好，景觀都唔錯，個FEEL幾似中大！ 喺度上左陣ＭＳＮ，睇左陣網上報紙，就落返去上堂！！今堂係迎新周最後一堂法文，下星期就正式上堂了，要一上上四個鐘法文，仲要係八點鐘～！！好早呀，不過一星期得一日有法文，而且係星期五，算了吧～！下星期一二都冇堂，我應該做啲咩？~_~ 行返返屋企已經六點十喇，行左九個字，但感覺都好過不見天日咁搭地鐵，又健康啲！今晚食既係焗蕃茄（又係冇肉，咩事呀，一係食菜一係食肉？），但配合埋啲香草都幾香幾好食。每日都食一種新既芝士，今日食既係山羊芝士，呢種麻麻地，太重口味。 食飯果陣問左佢地鍾唔鍾意睇書、睇戲咁，但好無癮既係我成日都唔明佢地既Response..問左三兩次都唔明，又唔好意思繼續問~_~..但明明Professor講既法文我都大致上明丫~_~同Myri
哈哈哈! 呢日好悠閒..連網誌都打得好hea...XD
回覆刪除不過去完旅行咁累竟然都去跑步..真係厲害!!
莎華仔：hahahhahahah!冇錯～其實係因為隔得太耐唔記得左發生左咩咁～～
回覆刪除係因為去旅行果陣食Ｄ野太唔健康~_~！先迫自己落去跑步冇咁內疚~_~!!